Massimo Ranieri - 'O Zampugnaro 'Nnammurato - Текст песни

Nu bellu figliulillo zampugnaro,

che a Napule nun c'era stato ancora,

comme chiagneva, 'nnante a lu pagliaro,

quanno lassaje la 'nnammurata fora...

E a mezanotte, 'ncopp'a nu traГ­no,

pe' Napule partette da Avellino...


UllГЁro - ullГЁro...

buono e sincero...

Da lu paese, a Napule arrevato,

nce cammenava comm'a nu stunato...


E succedette ca, na bella sera,

jette a sunГЎ a la casa 'e na signora:

TappГ©te, luce, pavimente a cera...

ricchezze maje nun viste anfin'a allora!

Ma se 'ncantaje, cchiГ№ assaje de sti rricchezze,

'e ll'uocchie d''a signora e de li ttrezze...


UllГЁro - ullГЁro...

fuje nu mistero:

Quanno jette pe' vasГЎ Гў signora 'e mmane:

"Zitto, - sentette 'e dГ­ - viene dimane!..."


Cielo, e comme fuje doce 'sta nuvena

ca ll'attaccaje cu n'ata passione!...

E se scurdaje 'e ll'ammore 'e Filumena

ch'era fatecatora e bona bona...

Ma ll'urdema jurnata ca turnaje,

chella signora, Гў casa, 'un ce 'a truvaje...


UllГЁro - ullГЁro...

sturduto overo,

Avette ciento lire e 'sta 'mmasciata:

"Scurdatavella, chella ГЁ mmaretata..."


Na casarella 'mmiez'a li mmuntagne,

nu fucularo cu nu cippo 'e pigne...

'A neve sciocca e na figliola chiagne:

ChisГ  stu lietto 'e sposa si se 'ncigna...

P''a strada sulitaria d'Avellino

nun sta passanno manco nu traГ­no...


UllГЁro - ullГЁro...

"Cagna penziero!..."

Sta sotto a nu barcone appuntunato...

Poveru zampugnaro 'nnammurato!...